கலையுலகப் பயணத்திலே -சகீ உன்றன்
அன்பினைப் பெற்றிருந்தேன்
பிறந்த மண்ணிலே உன்றன் கரம்
பிடித்து நடந்திடக் கற்றிருந்தேன்
தடுத்தடுமாறி நடந்தவுடன் -உனக்குநான்
தொல்லை தந்து வந்தேன்
குதலை மொழிபேசியவுடன் உன்னருள்
போதனையைக் கற்றுத் தந்து விட்டாய்
உயிர் மூச்சின் மேலாய் - என்னைத்
சுவாசித்துப் பார்த்தவள் நீ
உனக்கும் எனக்கு முள - உறவை
எப்படிச் சொல்லி அழைப்பது ?
எனக்கு தோழியானால் -என்ன
என்றும் நீ ஆசானல்லவோ?
காலத்தின் நகர்வினைப் -மறந்து
உயிரென நேசித்திட வேண்டுமம்மா?
மனதிலே பாசம் ஊட்டி -உள்ளத்து
உணர்விலே நேசம் காட்டி
இதயமென இடம் -தந்தே
உரிமையுடன் உறவாடச் செய்வாய்
கண்ணுக்கு எட்டாத தூரம் வரை -வாழ்க்கை
மாறிடும் நானறிவேன்
சுடராகி என்னுயிரே -தினமுமே
சூரியனாய் வந்துவிடு அதுபோதும் !
கருத்துகள் இல்லை:
கருத்துரையிடுக