"பொறாமைப் படுபவர்கள் தன்னைப்பற்றி சிந்திப்பதில்லை
நல்லோர்கள் மனசை அவர் கள் புரிந்து நடப்பதுமில்லை "
புதன், 26 ஜூன், 2013
அண்ணல் நபி பெருமானார்
மக்கத்து மண்ணில் பிறந்தே -நல்ல
மார்கத்தை வளர்தனன் மனங்களிலே !
நேயமுடன் போதனை ஊற்றினான் -படு
பாவிகளை அன்பினால் மாற்றினான் !
இஸ்லாத்தை உலகில் பரப்பினான் -கொடும்
அடிமைத் தளையினை உடைத்தெரிந்தான்!
கூலித் தொழிலை மதித்தான் -வீணே
உண்டு மகிழ்வோரைத் தடுத்தான் !
கெட்ட குணங்களை விரட்டினான் -அல்
குர் -ஆணை ஓதிக் காட்டினான் !
இவ்வுலகை :விதை நிலமென்றான் -மறுமை
அறுவடையின் மகிழ்வினை சொன்னான் !
பெண்ணின் அருமையினை விளக்கினான் -பூவையரை
வாடிடாது காத்திடக் கூரினான்!
மண்ணில் அவளொரு மாணிக்கம் -உயர்வாய்
மதித்து காத்திடக் கூ ரினான் மாந்தற்கு !
சாதி மத பேதங்களை வெறுத்தொதிக்கினான் -நீதி
நேர்மை நியாங்களையும் மதித்து நடந்தான் !
அல்லாஹ்வின் கட்டளைக்கு மாறிடாது வாழ்திட்டான் -மனித
மனங்களின் அன்பினை வென்றிட்டான் !
அண்ணலை மதித்து நடப்போமே -இனிய
அருள் கிடைக்கும் எமக்குமே !
அருள் மறை ஹதீஸ் இரண்டும் மனிதரிடமே -அமல்களின்
சுவர்க்கம் நரகம் அல்லாஹ் ஒருவனிடமே !
துயரத்தின் நெருப்பு அனலாய்பட்டுத் தெரிக்கும் மனசுகளில்
மௌனம் -
தலை விரித்து கோலமிடும் !
கோலமாடும் !!
கோலம்போடும் !!!
உள்ளத்தின் உணர்வுகள்
ஆசைகள்
எதிர்பார்ப்புக்கள்
நிம்மதியை
சந்தோசத்தை
அமைதியை
நொறுக்கி வீசியபடி
மனக் கஷ்டத்தால்
துயரச் சுமைகளால்
வேதனைத் தழும்புகளால்
இதய விழிகளினால்
அழுது தீர்க்கும்
வடித்துக் கொட்டும் !
நிலையற்ற உலகில்
நிச்சயமற்ற வாழ்வில்
எதிகாலம் -
கேள்விகளாய் தொடரும்
விடையற்றுப் போகும் !
அமைதியும் நிம்மதியும்
காணாமல் போய்விட்டதால்
வாழ்வே -
அகதியானதால்
முகாம்களின் வரவேற்பு
கண்ணீரை தணலாக்கும்
தணலை குருதியாக்கும் !!
அப்பாவி முகங்கள் (வயிறுகள் )
வறுமை கொடுரத்தால்
ஊமையாகிப் போகும் !
பிரயோசனமற்ற வாழ்வை
முதலாளித்துவம்
விரும்மி நேசிக்கும்
ரசித்து மகிழும் !
சமூக அரங்கில்
அகதிகள் தினம்
போற்றப் படுபவர்களால்
நினைவு படுத்தப்படும்
சுரண்டி வாழும்
மனம் -
ரசித்துச் சுவைக்கும்
அட்டை இதயங்களால்
உயிர் குருதி -
உறிஞ்சிப் போகும்
வாழ்க்கையோ
சிவப்புச் சாற்றினால்
சிதறித் தெறிக்கும் !
சடலமான (சவமான )ஆத்மாக்களின்
உயிர்கள் -
இரங்கல் உரைகலாகும்
ரூபங்கள் பிம்பமாகும் !
நாய்
நரி
காகம்
பேய்
பிசாசு
கொசு
எறும்பு
இத்தியாதி
இத்தியாதி
இவைகளுக்கு
சடலங்கள் உணவுகளாகி !
சுதந்திரத்தை புதைத்தபடி
நிம்மதி தொடர்வதாய்
வானலைகள் -
போலிக் கீதம் பாடும்
செய்தி சொல்லும் !
அகதி மனிதம் -
நிவாரணப் பொட்டலங்களின்றி
மாறும் வரை
இங்கே -
அகதிகள் தினம்
மன ரணங்களால் பதிவாகும்
வேதனைகள் -
சோக கீதங்களாய் ஒலிக்கும்!
தரித்ததிரம்
சரித்திரம் சொல்லும் !
வறுமை பூமியில்
விதை நிலமாகும் !
முக நூலில் எதிர்பாராத உறவுகள்
ஒரு யுக கவிஞனின்
நட்பு வெளியீடு!
வானம் -
குடைவிரிக்கும் இந்த
மந்தாரமான நேரம்
உன் ஞாபகங்களால்
இதயமெல்லாம்
மேகக் கூட்டம்
கொதித்தலரும் சூட்டையெல்லாம்
குளிராக்கும்
உன் இனிமையான நினைவுகளின்
சுவாச மூச்சு
என் நாடி நரம்புகளில்
நிறைந்து ஓடுகிறது !
உள்ளத்து உணர்வுகளுடன் !
இதய நட்பு வேரின்
ஒற்றைப் பூவே
சோகம் சுமக்கும்
வேதனைச் சுமையின்
ஆத்ம திருப்திக்காய்
கவி வரிகள் எழுது!
மனம் திறந்து பேசு!!
தாய்மண் மட்டுமல்ல
உடன் பிறப்பு மட்டுமல்ல
நீங்களும் எனக்கு
இங்கே -
நேசம் தான் !
பாசம் தான் !!
சொந்தம் தான் !!!
உறவும் தான்!!!!
என் உயிர் மூச்சில்
நீ
சுவாசமாக இருப்பதனால் !
இதற்கு குழுசேர்:
இடுகைகள் (Atom)