மனம்
குரங்கு போல்
மரம்விட்டு மரம் தாவும் போதெல்லாம்
(குணம் மாறும் போதெல்லாம் )
மனிதயினம் புலம்புகின்றது
இதயங்கள் துடிக்கின்றது
யாழ்மண்ணை விட்டு
துரத்தி யடிக்கப்பட்ட
மனித ஆத்மாக்கள்
இன்று -
லண்டன்
சுவீஸ்
இத்தாலி
இந்தியா
இத்தியாதி இத்தியாதி
நாடுகளில்
தஞ்சமாகி விட்டது
வசிப்பிட மாகி விட்டது 1
பிறந்து வளர்ந்த மண்ணில்
ஆணி வேர்களுடன்
பிடிங்கி வீசப்பட்ட
ஏழை எளியோர்கள்
நாயிலும் கேவலமாய்
அகதி முகாம்ங்களில் !
குருதிப் பாலில்
நக்கி சுவைக்கும் (உறிஞ்சிக் குடிக்கும் )
யுத்த அட்டைகள்
காம உணர்வுகளில்
மரித்துப் போகும் !
மனிதாபிமானத்தை இழந்து போகும் !
சுதந்திர மார்பில்
அத்து மீறல் செய்யும்
சப்பாத்துக் கால்கள்
மான மரியாதைகளை
மிதித்துப் புதைக்கும் !
தோண்டிப் பார்க்கும்
அதனால்
வேலிகளே பயிர்களை மேய்வதால்
மனிதயினம் புலம்புகின்றது
இதயங்கள் துடித்தழுகின்றது !
கருத்துகள் இல்லை:
கருத்துரையிடுக