சுகந்த மூச்சுக்கள்
சிதைந்து போகின்றன
அனல் மூச்சுக்களாக
இதயம் பாக்கி
உயிரென்பது புரியாத புதிரா....?
உடம்பு
மண்ணோடு மண்ணாகிப்
போக வேண்டியது
எலும்புக் கூடு
அழிந்து போகாதா....?
பேணிக்காத்துத்தான் என்ன பயன்.....?
உடலமைப்பு
நிலையானது அல்ல
சிந்தனைத் துளிகள்
மனதில் -
பட்டுத் தெறிக்காது
அடிக்கடி...!
நிரந்தரமில்லா
மனித வாழ்வு
கலங்குகின்றது
கனவினுள்
போராட்டமாக
சந்தோசம் தேடிய
என்னவளின் -
முகம் மறந்து
தூய நினைவுகள் அரிக்கிறது
மனதில்
துண்டாக்கப்பட்ட
மீனாய்
துடிக்கிறது
பிறந்த பிரக்ஞை
தூய மூச்சினை
அவ்வப்போது
சுவாசித்த
கண்மணியின்
மூக்கு -
முத்தமிட்டு
மகிழத் துடிக்கிறது
பிறந்து வாழ்ந்த மண்ணில்
ஏற்பட்ட -
அசம்பாவிதங்கள் மட்டும்
மனதில்
சுடராய் பிரகாசிக்கின்றது
அடி சகீ ....
நான்
அன்பை அணைத்து மகிழ்வதா....?
அல்லது -
பிறந்த தாய் மண்ணை
தேடிப்பிடிப்பதா ....?
கருத்துகள் இல்லை:
கருத்துரையிடுக